- టీఆర్‌ఎస్‌ ఆధ్వర్యంలో రోగులకు పండ్లు పంపిణీ
నవతెలంగాణ-మధిర
2009వ సంవత్సరం నవంబర్‌ 29న తెలంగాణ రాష్ట్ర ఏర్పాటుకు టీఆర్‌ఎస్‌ పార్టీ అధినేత కేసీఆర్‌ చేపట్టిన దీక్షా- దివస్‌ తెలంగాణ రాష్ట్ర చరిత్రను మలుపు తిప్పిందని జడ్పీ చైర్మన్‌ లింగాల కమల్‌ రాజు పేర్కొన్నారు. సోమవారం దీక్షా - దివాస్‌ను పురస్కరించుకుని మధిరలోని ప్రభుత్వ హాస్పిటల్‌ నందు పార్టీ యువజన విభాగం ఆధ్వర్యంలో ఏర్పాటు చేసిన సేవ కార్యక్రమంలో ఆయన పాల్గొని అక్కడ ఉన్న రోగులకు పండ్లు అందించారు. ఈ సందర్భంగా ఆయన మాట్లాడుతూ కేసీఆర్‌ ఆ రోజు తన ప్రాణాలను సైతం లెక్కచేయకుండా కేసీఆర్‌ సచ్చుడో.. తెలంగాణ తెచ్చుడో అంటూ ఆమరణ నిరాహారదీక్ష చేపట్టారని ఆ దీక్షా తెలంగాణ ఉద్యమ గతిని మరియు రాష్ట్ర గతిని మార్చేసిందన్నారు. ఆ దీక్షా ద్వారా కేంద్రం మెడలు వంచి తెలంగాణ రాష్ట్రాన్ని ముఖ్యమంత్రి కేసీఆర్‌ సాధించారని కమల్‌ రాజు గుర్తు చేశారు. ఈ కార్యక్రమంలో పలువురు ప్రజాప్రతినిధులు, పార్టీ నాయకులు, నాయకులు పాల్గొన్నారు.
