నవతెలంగాణ- ముదిగొండ
సిపిఐ(ఎం) జిల్లా కమిటీ సభ్యునిగా మండల పరిధిలో గోకినేపల్లి గ్రామానికి చెందిన పార్టీ సీనియర్‌ నాయకులు వాసిరెడ్డి వరప్రసాద్‌ను మండలం నుండి ప్రాతినిధ్యం కల్పిస్తూ తొలిసారిగా జిల్లా కమిటీ సభ్యులుగా ఎన్నుకున్నారు. వాసిరెడ్డి వరప్రసాద్‌ గత రెండు పర్యాయములుగా సిపిఐ(ఎం) మండల కార్యదర్శి ఏడు సంవత్సరాలుగా పనిచేసి ఈఏడాది అక్టోబర్లో జరిగిన సిపిఐ(ఎం) మండల మహాసభలో వాసిరెడ్డి రిలీవ్‌ అయ్యారు. గతనెల 29, 30 తేదీల్లో ఖమ్మంలో జరిగిన జిల్లా మహాసభల్లో నూతనంగా కమిటీలోకి తీసుకున్నారు. కాగా డివైఎఫ్‌ఐ జిల్లా కార్యదర్శిగా పనిచేస్తున్న ఈ మండల వాసి ఎస్‌.కె బషీరుద్దీన్‌ను సిపిఐ(ఎం) జిల్లా కమిటీ సభ్యునిగా ఎన్నుకున్నారు. వాసిరెడ్డి ప్రసాద్‌,ఎస్కే బషీరుద్దీన్‌లను పార్టీ జిల్లా కమిటీలోకి తీసుకోవడం పట్ల సిపి(ఐ)ఎం మండల నేతలు హర్షం వెలిబుచ్చారు.