నవతెలంగాణ-ఎర్రుపాలెం
సెకండ్‌ సౌత్‌ ఇండియా కరాటే ఛాంపియన్‌ పోటీల్లో బహుమతులు పొందిన విద్యార్థినికి పలువురు అభినందనలు తెలిపారు. మండల కేంద్రమైన ఎర్రుపాలెం సర్దార్‌ జమలాపురం కేశవరావు మెమోరియల్‌ కళాశాలకు చెందిన రావూరి వర్షిని రెండు బహుమతులను సాధించింనట్లు కళాశాల ప్రిన్సిపాల్‌ మిరియాల శ్యాంప్రసాద్‌ తెలిపారు. నవంబర్‌ నెల 21న ఖమ్మంలో నర్తకి సంఘం నందు జరిగిన కరాటే పోటీలలో కట్టా, కుముట్‌, ఈవెంట్స్‌ లో రెండు గోల్డ్‌ మెడల్స్‌ సాధించినట్లు తెలిపారు. విద్యార్థిని సర్దార్‌ జమలాపురం కేశవరావు మెమోరియల్‌ కళాశాలలో సెకండ్‌ బైపిసి చదువుతున్నట్లు తెలిపారు. ఈ సందర్భంగా విద్యార్థినికి కళాశాల నందు అభినందన సభను ఏర్పాటు చేశారు. కళాశాల డైరెక్టర్‌ సత్య నారాయణ రెడ్డి, శాలువాతో సత్కరించి అభినందనలు తెలిపారు. పలువురు ఆమెకు అభినందనలు తెలిపారు. ఈ కార్యక్రమంలో లెక్చరర్లు నాగేశ్వరరావు, సౌజన్య తదితరులు పాల్గొన్నారు.
