నవతెలంగాణ-ముదిగొండ
మండల పరిధిలోని న్యూలక్ష్మీపురం కస్తూర్బా గాంధీ బాలికల విద్యాలయం ప్రత్యేక అధికారి బండారు ఇందిరా ఆధ్వర్యంలో ఉపాధ్యాయనిలు, బాలికలు భాగస్వామ్యంతో గురువారం ప్రత్యక్ష పద్ధతిలో యూత్‌ పార్లమెంట్‌ కార్యక్రమం నిర్వహించారు. ఈ సందర్భంగా పార్లమెంట్‌ శీతాకాల సమావేశాల నిర్వహణ, సభ్యుల పాత్ర, బిల్లులు ఆమోదం, ప్రజా ప్రయోజనాల తదితర అంశాలపై ఉపాధ్యాయునిలు, బాలికలకు అవగాహనతో పాటు డెమో నిర్వహించి చైతన్యపరిచారు. అనంతరం ఎస్‌ఓ బి.ఇందిరా మాట్లాడుతూ బాలికలు విద్యారంగంలో రాణించి, ముందుకు సాగి భావిరాల జీవితాన్ని బంగారుమయం చేసుకోవాలన్నారు. నాయకత్వ లక్షణాలతోపాటు సేవా కార్యక్రమాలు అలవర్చుకోవాలన్నారు. తల్లిదండ్రుల ఆశయాలను నెరవేర్చే విధంగా బాలికలు ఉన్నత చదువులు వైపు దృష్టి సారించాలన్నారు. ఈ కార్యక్రమంలో విద్యాలయ ఉపాధ్యాయునిలు సిబ్బంది పాల్గొన్నారు.