నవతెలంగాణ-గాంధీచౌక్‌
కాకతీయ యూనివర్సిటీ ప్రకటించిన మొదటి సెమిస్టర్‌ ఫలితాల్లో ఆర్‌జెసి డిగ్రీ కాలేజీ విద్యార్థులు అత్యంత ప్రతిభ కనబరచారని ఆర్‌జెసి విద్యా సంస్థల చైర్మన్‌ గుండాల కృష్ణ ఒక ప్రకటనలో తెలిపారు. బిఏ, బికామ్‌ మరియు బిఎస్సి విభాగాలలో ఆర్‌జెసి కాలేజీ విద్యార్థులు అత్యధిక గ్రేడ్‌ పాయింట్‌లు సాధించడం సంతోషంగా ఉందని అయన పేర్కొన్నారు. బిఎస్సి విభాగంలో బొమ్మగాని శ్రీజ 8.37 జిపిఏ, మరియు బికాంలో సుహాసిని 8.37 జిపిఏ సాధించి ఖమ్మం జిల్లాలో ఉత్తమ ప్రతిభ కనబరచినట్టు అయన తెలిపారు. బి ఎస్సి విభాగంలో తమ కళాశాల విద్యార్థులు బి దివ్య 7.85 జిపిఏ, బి నవ్య 7.84 జిపిఏ, నేతి అంజలి 7.65 జిపిఏ సాధించినట్లు తెలిపారు. ఉతీర్ణులైన విద్యార్థులను కళాశాల ప్రిన్సిపాల్‌ జాఫర్‌ ఖాన్‌, వైస్‌ ప్రిన్సిపాల్‌ అలవాలా లింగయ్య, సీనియర్‌ అధ్యాపకులు కె ఆంజనేయులు అభినందించారు.