నివాళులర్పించిన పోతినేని,నున్నా
నవ తెలంగాణ- ఖమ్మంరూరల్‌
మండలంలోని తెల్దారుపల్లి గ్రామానికి చెందిన సిపిఎం సానుభూతిపరుడు ఎస్కే. బాబు (70) గత కొంతకాలంగా అనారోగ్యంతో బాధపడుతూ గురువారం మృతి చెందాడు. సిపిఎం రాష్ట్ర కార్యదర్శి వర్గ సభ్యులు పోతినేని సుదర్శన్‌రావు, సిపిఎం జిల్లా కార్యదర్శి నున్నా నాగేశ్వరరావులు బాబు మృతదేహాన్ని సందర్శించి ఎర్రజెండా కప్పి నివాళులర్పించారు. బాబుకి భార్య, ఇద్దరు కుమారులు, కుమార్తె ఉన్నారు. పెద్దకుమారుడు రంజాన్‌ పాషా సీపీఎం పార్టీలో క్రియాశీలకంగా పనిచేస్తున్నారు. సిపిఎం మండల కమిటీ సభ్యుడిగా, తెల్దారుపల్లి శాఖ సెక్రెటరీగా, కన్వీనర్‌ గా కీలకమైన బాధ్యతలు నిర్వర్తిస్తున్నారు. నివాళ్లర్పించిన వారిలో సిపిఎం జిల్లా కార్యదర్శి వర్గ సభ్యులు బండి రమేష్‌, మండల కార్యదర్శి నండ్ర ప్రసాద్‌, సర్పంచ్‌ సిద్దినేని కోటయ్య, ఆంధ్ర బ్యాంక్‌ వైస్‌ చైర్మన్‌ తమ్మినేని విజయలక్ష్మి, సిపిఎం నాయకులు తమ్మినేని కోటేశ్వరరావు, మండల నాయకులు నందిగామ కృష్ణ, ఏటుకూరి ప్రసాద్‌రావు, జక్కంపూడి కృష్ణ, వడ్లమూడి నాగేశ్వరరావు, సిరికొండ నగేష్‌, బోడపట్ల శ్రీను, పట్టాభి,మర్రి బాబు, పుల్లయ్య, బాబీ, పెండ్యాల సుమతీ తదితరులు నివాలర్పించారు.
