నవతెలంగాణ-పాల్వంచ
పాల్వంచ రూరల్‌ కాంగ్రెస్‌ పార్టీ పాల్వంచ మండల అధ్యక్షులుగా గద్దల రమేష్‌ని నియమిస్తూ టీపీసీసీ సభ్యులు ఏడవల్లి కృష్ణ ఆధ్వర్యంలో డీసీసీ అధ్యక్షులు భద్రాచలం ఎమ్మెల్యే పొదేం వీరయ్య ఉత్తర్వులు జారీ చేశారు. ఈ సందర్భంగా రమేష్‌ మాట్లాడుతూ నా మీద నమ్మకంతో మండల ప్రెసిడెంట్‌ బాధ్యతలు అప్పచెప్పినా డీసీసీ అధ్యక్షులు పొదేం వీరయ్య, సీఎల్‌పీ నేత భట్టి విక్రమార్క, మాజీ కేంద్ర మంత్రి రేణుకాచౌదరి, మాజీ మంత్రి వర్యులు సంబాని చంద్ర శేఖర్‌, టీపీసీసీ సభ్యులు ఏడవల్లి కృష్ణలకు ధన్యవాదాలు తెలిపారు. పాల్వంచ మండలంలో కాంగ్రెస్‌ పార్టీ బలోపేతానికి కృషి చేస్తానని, కాంగ్రెస్‌ పార్టీ సభ్యత్వ నమోదు అత్యధికంగా చేస్తానని కాంగ్రెస్‌ పార్టీ కోసం పాటు పడతానని రమేష్‌ తెలిపారు.