నవతెలంగాణ-భద్రాచలం
భద్రాచలం పట్టణంలోని త్రివేణి హైస్కూల్‌లో విద్యార్థినీ, విద్యార్థులు సారపాక వాసవి ప్రజ్ఞ వేదిక, వాసవి క్లబ్‌ సార పాక గ్రేటర్‌ అండ్‌ వనిత సారపాక వారి ఆధ్వర్యంలో మంగళవారం భగవద్గీత శ్లోకం కాంపిటేషన్‌ నిర్వహించారు. ఈ సందర్భంగా స్వాతంత్ర సమరయోధుల ఉపన్యాసాలు, భగవద్గీత శ్లోకాలలో భద్రాచలం త్రివేణి హైస్కూల్‌ విద్యార్థినీ, విద్యార్థులు పాల్గొని మొదట, ద్వితీయ బహుమతులు అందుకున్నారు. వాటితో పాటు పార్టిసిపేషన్‌ సర్టిఫికెట్స్‌ కూడా అందుకున్నారు. ఈ పోటీలలో పాల్గొని బహుమతులు గెలుచుకున్న విద్యార్థినీ, విద్యార్థులను త్రివేణి స్కూల్‌ ప్రిన్సిపాల్‌ జంగాల మంజుల, వైస్‌ ప్రిన్సిపాల్‌ కాను మిల్లి విమలాదేవి, ఏవో ఐ.బాబురావు విద్యార్థినీ, విద్యార్థులను అభినందించారు. ఈ సందర్భంగా ప్రిన్సిపాల్‌ జంగాల మంజుల మాట్లాడుతూ పిల్లల్లో ఉన్న ప్రతిభను పిల్లలకు చదువుతో పాటు ఆట పాటలతో పాటు ఆధ్యాత్మికం కూడా ఉండాలని ఆమె అన్నారు. ఈ కార్యక్రమంలో ప్రిన్సిపాల్‌ జంగాల మంజుల, వైస్‌ ప్రిన్సిపాల్‌ విమలాదేవి, ఏవో ఐ.బాబు రావు అధ్యాపకులు పాల్గొన్నారు.
