నవతెలంగాణ-తల్లాడ
ఐదు ఉద్యోగాలు వచ్చినా వదులుకొని ఎస్సైగా సేవ చేయాలని వచ్చా ఎస్‌ఐ ఎం.సురేష్‌ అన్నారు. ఆదివారం తల్లాడ పోలీస్‌ స్టేషన్లో ఏర్పాటు చేసిన విలేకర్ల సమావేశంలో ఆయన మాట్లాడుతూ ఏ విషయమైనా తనకు డైరెక్టుగా తెలియజేయవచ్చని అన్నారు. మండలంలో ప్రధానంగా ట్రాఫిక్‌ సమస్య ఉందన్నారు. ప్రధాన రహదారులపై రోడ్డు ఆక్రమణలను తొలగిస్తామన్నారు. ద్విచక్ర వాహనదారులు మద్యం సేవించి వాహనాలు నడపరాదని, తప్పనిసరిగా హెల్మెట్‌ ధరించాలని, రోడ్డు నిబంధనలు పాటించాలన్నారు. కరోనా నేపథ్యంలో ప్రతి ఒక్కరూ మాస్కు ధరించాలన్నారు. మండలంలో సిసి కెమెరాల ఏర్పాటు చురుకుగా సాగుతుందన్నారు, అన్ని గ్రామాలలో సిసి కెమెరాల ఏర్పాటు చేస్తామని ప్రజలు, రాజకీయ నాయకులు సహకరించాలన్నారు.