నవతెలంగాణ-ఖమ్మంప్రాంతీయప్రతినిధి
జిల్లా వ్యాప్తంగా క్రిస్మసను పురస్కరించుకుని జరిగిన వేడుకల్లో భాగంగా పలు ప్రాంతాల్లో శనివారం నిర్వహించిన క్రిస్మస్‌ వేడుకల్లో తెరాస రాష్ట్ర నాయకులు, ఖమ్మం మాజీ ఎంపీ పొంగులేటి శ్రీనివాసరెడ్డి పాల్గొన్నారు. సత్తుపల్లి కిష్టారం గ్రామంలో, కొణిజర్లలో, వైరా మండలంలోని గండుగల పాడులో జరిగిన క్రిస్మస్‌ వేడుకల్లో పాల్గొని క్రైస్తవ సోదరులకు క్రిస్మస్‌ శుభాకాంక్షలు తెలిపారు. ఈ సందర్భంగా చర్చి ఫాస్టర్లు పొంగులేటిని ఘనంగా సత్కారించి వారి దీవెనలను అందజేశారు. అదేవిధంగా కొణిజర్ల మండలం తీగల బంజర గ్రామంలో ఏర్పాటు చేసిన వాటర్‌ ప్లాంట్‌ను మాజీ ఎంపీ పొంగులేటి ప్రారంభించారు. కల్లూరు మండలానికి చెందిన గుర్రం శ్రీనివాసరావు కుమారుని వివాహం ఇటీవల జరగ్గా ఆ నూతన దంపతులను మాజీ ఎంపీ పొంగులేటి ఆశీర్వదించారు.