నవతెలంగాణ- కల్లూరు
2వ తేదీన మండల పరిధిలోని పోచవరం గ్రామానికి ఐటీశాఖ మంత్రి కె తారకరామారావు రానున్నారు. హెలికాప్టర్‌ దిగే స్థలాన్ని అధికారులు, పోలీసులు సోమవారం పరిశీలించారు. మధిర మాజీ ఎమ్మెల్యే కట్టా వెంకటనర్సయ్య ప్రథమ వర్ధంతి సందర్భంగా కేటీఆర్‌ పోచవరం వస్తున్నారు. ఆర్డీవో సీహెచ్‌ సూర్యనారాయణ, తాసిల్దార్‌ మంగీలాల్‌, ఆర్‌అండ్బీ డీఈ శంకర్రావు గ్రామానికి చేరుకొని హెలిఫ్యాడ్‌ దిగేందుకు ఏర్పాటు చేసిన స్థలాన్ని పరిసర ప్రాంతాలను పరిశీలించారు. ఈ సందర్భంగా మధిర మాజీ ఎమ్మెల్యే కట్టా వెంకటనర్సయ్య కాంస్య విగ్రహాన్ని కేటీఆర్‌ ఆవిష్కరించనున్నారని జెడ్పీటీసీ కట్టా వెంకటనర్సయ్య కుమారుడు కట్టా అజరు కుమార్‌ తెలిపారు. ఏసీపీ ఎన్‌. వెంకటేష్‌ , సీఐ కరుణాకర్‌, ఎస్సై కె. వెంకటేశ్‌ ఏర్పాట్లను పరిశీలించారు కార్యక్రమంలో టీఆర్‌ఎస్‌ నాయ కులు పుసులూరి శ్రీనివాసరావు, చింతలపూడి ప్రసాదరావు, రాఘవరావు పాల్గొన్నారు.
