మాజీ జడ్పీటీసీ విజరు గాంధీ
నవతెలంగాణ-భద్రాచలం(బూర్గంపాడు)
బూర్గంపాడు ఫ్రెండ్స్‌ యూత్‌ ఆధ్వర్యంలో అట్టహాసంగా నిర్వహిస్తున్న రాష్ట్ర స్థాయి క్రికెట్‌ టోర్నమెంట్‌ క్రీడలో భాగంగా మొదటి- రెండోవ స్థాయి బహుమతుల ట్రోఫీలను ఆవిష్కరణోత్సవ కార్యక్రమం నిర్వహించారు. ఈ బహుమతులను బట్టా మెమోరియల్‌ చారిటబుల్‌ సేవా ట్రస్ట్‌ వ్యవస్థాపకులు, బూర్గంపాడు మాజీ జడ్పీటీసీ సభ్యులు బట్టా విజరు గాంధీ ఆవిష్కరించారు. ఈ సందర్భంగా విజరు గాంధీ మాట్లాడుతూ టోర్నమెంట్‌కి సంబంధించిన మొదటి-రెండవ స్థాయి బహుమతులను బట్టా మెమోరియల్‌ సేవా ట్రస్ట్‌ తరపున టోర్నీ నిర్వాహుకులకు అందిస్తున్నామని ఆయన అన్నారు. అలాగే క్రీడలు అనేవి యువతలో దాగివున్న నైపుణ్యాన్ని వెలికితీసి వారి ప్రతిభను ప్రపంచ నలుమూలలు చాటిచెప్పడానికి దోహదపడతాయని ఆయన అన్నారు. ఈ కార్యక్రమంలో స్థానిక ప్రజాప్రతినిధులు, ప్రముఖ న్యాయవాది భజన సతీష్‌ కుమార్‌, సొసైటీ డైరెక్టరు బొల్లు రవి, గొనెల సర్వేశ్వ. రరావు, సోయల్‌ పాష, సుధాకర్‌ రెడ్డి, శనగ కిషోర్‌, ఇతర ప్రజాప్రతినిధులు, క్రీడాకా రులు, యువకులు తదితరులు పాల్గొన్నారు.
