నవతెలంగాణ-ఇల్లందు
సీఈఆర్‌ క్లబ్‌ జెకె కాలనీలో మంగళవారం నుండి రెండు రోజులు నిర్వహించే కంపెనీ స్థాయి సాంస్కృతిక పోటీలను ఏరియా జియం మల్లెల సుబ్బారావు జ్యోతిప్రజ్వలన చేసి ప్రారంభించారు. ఈ సందర్భంగా ఆయన మాట్లాడుతూ పాటలతో ఒక వ్యవస్థని మరియు దేశాన్ని మార్చే శక్తివంతమైన సందేశం ఉంటుందని అలాగే సింగరేణి సంస్థ కళలకు ప్రోత్సాహం అందిస్తుందని అన్నారు. ఈ కార్యక్రమంలో యస్వోటు జియం బండి వెంకటయ్య, అధికారుల సంఘం అధ్యక్షుడు పంజాల శ్రీనివాసు, ఏజెంట్‌ బొల్లం వెంకటేశ్వర్లు, డిజిఎం పర్సనల్‌ జీ.వి.మోహన్‌ రావు, స్పోర్ట్స్‌ సూపర్‌ వైజర్‌ సుందరరావు, జాన్‌ వెస్లీ, సీనియర్‌ పిఓ శ్రీహరి, గుర్తింపు సంఘం ఉపాధ్యక్షుడు ఎస్‌.రంగనాథ్‌, ఏరియా క్రీడా సమన్వయ కర్త ఎం.డి జైనులాబుద్దీన్‌, తదితరులు పాల్గొన్నారు.