నవతెలంగాణ-భద్రాచలం
భద్రాచలంలోని శ్రీ సీతారామచంద్రస్వామి దేవస్థానం ఆధ్వర్యంలో నిర్వహిస్తున్న వైకుంఠ ఏకాదశి అధ్యయనోత్సవాలలో భాగంగా మంగళవారం స్వామివారు కూర్మావతారంలో భక్తులకు దర్శనమి చ్చారు. భక్తులు స్వామి వారిని దర్శించి తరించారు. రామయ్యను ఆలయంలో కూర్మావతారంలో అందంగా అలంకరించి ప్రత్యేక పూజా కార్యక్రమాలు నిర్వహించారు. నిత్య కల్యాణ మండపానికి తీసుకువచ్చారు. ఈ సమయంలో స్వామి వారికి పూజ కార్యక్రమాలు నిర్వహించారు. వేద పండితులు స్వామి వారికి వేద విన్నపాలను సమర్పించారు. అనంతరం స్వామివారిని కూర్మావతారంలో ప్రత్యేక వాహనంలో ఆశీనులను చేసి మేళతాళాలు, వేదపండితుల మంత్రోచ్ఛారణల నడుమ కల్యాణ మండపానికి తీసుకువచ్చారు. ఈ కార్యక్రమంలో దేవస్థానం ఈవో బి.శివాజీ, ఏఈఓ శ్రావణ్‌ కుమార్‌, ఆలయ అధికారులు, అర్చకులు,వేదపండితులు పాల్గొన్నారు.