నవతెలంగాణ-చర్ల
విద్యుద్ఘాతంతో యువరైతు మృతి చెందిన ఘటన భద్రాద్రి కొత్తగూడెం జిల్లా చర్ల మండలం ఆర్‌.కొత్తగూడెం గ్రామ సమీప పంటపొలాలో మంగళవారం ఉదయం జరిగింది. మొక్కజొన్న చేనుకి నీరు పెట్టడానికి వెళ్ళిన యువరైతు గోడె గణపతి (26) గంటలు గడిచినా ఇంటికి తిరిగి రాలేదు. కుటుంబీకులు ఫోన్‌ చేసినా ఫోన్‌ లిఫ్ట్‌ చేయలేదు. అనుమానం వచ్చి పొలం వద్దుకు వెళ్ళిచూడగా విద్యుత్‌ ట్రాన్స్ఫార్మర్‌ ప్రక్కన నిర్జీవంగా పడి ఉన్నాడని కుటుంబ సభ్యులు తెలిపారు. ఘటనపై పోలీసులకు ఫిర్యాదు చేయగా బి. అశోక్‌ కేసు నమోదు చేసుకొని దర్యాప్తు ప్రారంభించారు.
మీ స్నేహితులకు రికమెండ్ చెయ్యండి
