- సంఘ సేవకురాలు ఆరోగ్యమ్మ మృతికి పొంగులేటి సంతాపం
నవతెలంగాణ-ఖమ్మం ప్రాంతీయప్రతినిధి
టీఆర్‌ఎస్‌ జిల్లా నాయకులు మట్టా దయానంద్‌ తల్లి, ప్రముఖ వైద్యురాలు, సంఘసేవకురాలైన ఆరోగ్యమ్మ శనివారం రాత్రి అకాల మరణం పొందారు. ఈ నేపథ్యంలో సత్తుపల్లిలోని వారి స్వగృహంలో ఉన్న ఆమె పార్థివ దేహాన్ని ఖమ్మం మాజీ ఎంపీ, టీఆర్‌ఎస్‌ రాష్ట్ర నాయకులు పొంగులేటి శ్రీనివాసరెడ్డి ఆదివారం సందర్శించి ఘన నివాళ్లు అర్పించారు. ఈ సందర్భంగా ఆమె సేవలను కొనియాడారు. సమాజంలో ఉన్నత విలువలు కలిగిన సేవా మూర్తిని కోల్పోయామని ఆమె మృతికి దిగ్బ్రాంతి వ్యక్తం చేశారు. ఆమె ఆత్మకు శాంతి కలగాలని దేవున్ని ప్రార్థిస్తున్నట్లు పేర్కొన్నారు. ఆమె కుమారుడు మట్టా దయానంద్‌ను, కుటుంబసభ్యులను ఓదార్చారు. అదేవిధంగా సత్తుపల్లి లోని కృష్ణారం గ్రామంలో ఇటీవల మృతిచెందిన టీఆర్‌ఎస్‌ పార్టీ నాయకులు ధనుంజరు చిత్రపటానికి నివాళ్లర్పించి, కుటుంభ సభ్యులను పరామర్శించారు.
-చిన్నారికి ఆశీర్వదాం...
నగరంలోని ఎస్‌ఆర్‌ కన్వెన్షన్‌ హాల్లో జరిగిన రెడ్డి సంఘం జిల్లా అధ్యక్షులు మందడపు రామకృష్ణారెడ్డి మనమడు బారసాల వేడుకల్లో పాల్గొని చిన్నారిని ఆశీర్వదించి, తల్లిదండ్రులకు నూతన వస్త్రాలను అందజేశారు.
