అ కాంగ్రెస్‌ పార్టీ మండల అధ్యక్షుడు రామనాథం
నవతెలంగాణ-పినపాక
రైతుబంధు సంబరాల్లో టీఆర్‌ఎస్‌ ప్రభుత్వం, నాయకులు ఆర్భాటం చేస్తున్నారని రైతులు లేకుండానే రైతుబంధు సంబరాలు జరుపుకోవడం హాస్యాస్పదంగా ఉందని కాంగ్రెస్‌ పార్టీ మండల అధ్యక్షులు గొడిశాల రామనాథం అన్నారు. మంగళవారం మండలంలోని ఏడుళ్ల బయ్యారం క్రాస్‌ రోడ్‌లో గల కాంగ్రెస్‌ పార్టీ కార్యాలయంలో ఏర్పాటు చేసిన పత్రికా విలేకరుల సమావేశంలో మాట్లాడారు. రైతులకు రైతుబంధు ఇస్తున్నారని తెలంగాణ ప్రభుత్వం ఆర్భాటంతో రైతుబంధు సంబరాలు జరపటం విడ్డూరంగా ఉందని ఆయన విమర్శించారు. ఈ కార్యక్రమంలో నియోజకవర్గం యూత్‌ కాంగ్రెస్‌ ఉపాధ్యక్షులు కొర్స ఆనంద్‌, సీనియర్‌ కాంగ్రెస్‌ నాయకులు రమేష్‌ బోడ, గీదా సాయి, చందరావు, వెంకటేశ్వరెడ్డి, తదితరులు పాల్గొన్నారు.
మీ స్నేహితులకు రికమెండ్ చెయ్యండి
