అ ఎస్సీ-ఎస్టీ ఉద్యోగుల సంఘం క్యాలండర్‌
ఆవిష్కరణ కార్యక్రమంలో జీఎం
నవతెలంగాణ-ఇల్లందు
భారత రాజ్యాంగ రూపకర్త బాబాసాహెబ్‌ అంబేద్కర్‌ ఆశయాలను ఆదర్శంగా తీసుకోవాలని జీఎం మల్లెల సుబ్బారావు అన్నారు. కార్యాలయంలో బుధవారం ఎస్సీ-ఎస్టీ ఉద్యోగుల సంఘం ఆధ్వర్యంలో నూతన సంవత్సర క్యాలండర్‌, అంబేత్కర్‌ రచించిన రాజ్యాంగ పుస్తకాన్ని ఆవిష్కరించారు. ఈ సందర్బంగా జీఎం మాట్లాడుతూ ఎంతకాలం జీవించాలన్నది ముఖ్యం కాదు ఎంత గొప్పగా జీవించాం అన్నదే ముఖ్యం అన్న అంబేత్కర్‌ మాటలను ప్రతిఒక్కరూ ఆదర్శంగా తీసుకోవాలని అన్నారు. ఈ కార్యక్రమంలో యస్వోటు జీఎం బండి వెంకటయ్య, డీజీఎం పర్సనల్‌ జీవి.మోహనరావు, వెంకటరామచంద్ర, ఎస్టీ లైజనింగ్‌ అధికారి భూక్య తౌర్య, ఎస్సీ-ఎస్టీ ఉద్యోగుల సంఘం జనరల్‌ సెక్రెటరి అంతోటి నాగేశ్వరరావు, లైజనింగ్‌ ఆఫీసర్‌ పసుల రమేష్‌, ఇల్లందు ఏరియా వైస్‌ ప్రెసిడెంట్‌ బూర్గుల రామారావు, చెరుకు సారయ్య, జిమ్మిడి మల్లేష్‌, డి.కనకవల్లి తదితరులు పాల్గొన్నారు.
