నవతెలంగాణ-అశ్వారావుపేట
స్వామీ వివేకానందుడు తరం తరం నిరంతరం యువతకు స్ఫూర్తిదాయకుడని వివేకానంద వికాస కేంద్రం ప్రముఖులు, స్థానిక కెమిలాయిడ్స్‌ అసిస్టెంట్‌ మేనేజర్‌ వేణుగోపాల్‌ రావు అన్నారు. కెమిలాయిడ్స్‌ ఆధ్వర్యంలో వివేకానంద వికాస కేంద్రం సభ్యులు, వి.కె.డి.వి.ఎస్‌ రాజు జూనియర్‌, డిగ్రీ కళాశాల ప్రిన్సిపాల్‌ వెలుగోటి శేషు బాబు, శ్రీనివాస రాజు నేతృత్వంలో వివేకానందుని జయంతిని బుధవారం పట్టణంలోని మూడు రోడ్ల కూడలిలో గల స్వామి వివేకనందుని విగ్రహానికి పుష్పాంజలి ఘటించారు. అనంతరం వారు మాట్లాడారు. కార్యక్రమం అనంతరం ఇటీవల నిర్వహించిన ఆటపాటల నందు, క్విజ్‌ నందు ప్రతిభ కనపర్చిన విద్యార్థులకు బహుమతులు ప్రధానం చేశారు. ఈ కార్యక్రమంలో, కెమిలయిడ్స్‌ సిబ్బంది శివరామకృష్ణ, మోహన్‌ రావు, పంచాంగం రామానుజం, లైన్స్‌ క్లబ్‌ అధ్యక్షులు కొటారి, చలప తి, లైన్స్‌ క్లబ్‌ సభ్యులు బలుమూరి సురేష్‌, యు.ఎస్‌ప్రకాష్‌ రావు, వాసవి క్లబ్‌ అధ్యక్షులు సుబ్బారావు, జోన్‌ చైర్మన్‌ రాంబాబు తదితరులు పాల్గొన్నారు.
