అభినందించిన ఖమ్మం మాజీ ఎంపీ పొంగులేటి
నవతెలంగాణ- ఖమ్మం ప్రాంతీయ ప్రతినిధి
ఖమ్మం మాజీ పార్లమెంటు సభ్యులు పొంగులేటి శ్రీనివాసరెడ్డి క్యాంపు కార్యాలయ ఫోటోగ్రాఫర్‌ 'చందూ'కు ఫొటోగ్రఫీలో జాతీయస్థాయి అవార్డు లభించింది. ఆంధ్రప్రదేశ్‌ రాష్ట్రంలోని అరకు, ఒడిశా రాష్ట్రాలలో ఇటీవల నిర్వహించిన నేషనల్‌ లెవల్‌ ఫోటోగ్రఫీ వర్క్‌షాపులో ఖమ్మంరూరల్‌ మండలం పల్లెగూడెంకు చెందిన చంద్రశేఖర్‌కు ట్రావెల్‌ విభాగంలో తృతీయ బహుమతి లభించింది. ఈ పోటీలకు వివిధ రాష్ట్రాలకు చెందిన సుమారు 400 మందికి పైగా ఫొటోగ్రాఫర్లు హాజర య్యారు. తన వ్యక్తిగత ఫోటోగ్రాఫర్‌గా పనిచేస్తూ ఫొటోగ్రఫీలో విశేషంగా రాణిస్తున్న చందూకు ఖమ్మం మాజీ ఎంపీ పొంగులేటి శ్రీనివాసరెడ్డి ప్రత్యేకంగా అభినందనలు తెలిపారు. క్యాంపు కార్యాలయ ఇన్‌ చార్జ తుంబూరు దయాకర్‌ రెడ్డి సైతం అభినందించారు.