నవతెలంగాణ-కారేపల్లి
దేవాదాయ ధర్మదాయ శాఖ భూములకు కౌలుకు చేస్తున్న రైతులు వెంటనే కౌలు బకాయిలను చెల్లించాలని ఉసిరికాయల పల్లి శ్రీకోటమైసమ్మ తల్లి ఆలయ ఈవో వెంకటాచార్యులు కోరారు. మంగళవారం కారేపల్లి మండల పరిధిలో గుంపెళ్ల గూడెం, మాధారం, గోవింద్‌తండా గ్రామాల్లో పర్సా అనంతరామయ్య ట్రస్టు ఇల్లందు ఆలయ భూములు కౌలుకు చేస్తున్న రైతులతో సమావేశమైనారు. ఈసందర్భంగా ఈవో మాట్లాడుతూ మండలంలో గుంపెళ్ళగూడెం, మాధారం, గోవింద్‌తండా, గేటుకారేపల్లి, దుబ్బతండా, మేకలతండా గ్రామాలకు చెందిన రైతులు కౌలు బకాయిలను ఈనెల 10 తేది లోపు చెల్లించాలన్నారు. కౌలు చెల్లించని యేడల భూములకు సంబంధించి కౌలు వేలం వేయటం జరుగుతుందన్నారు. ఈకార్యక్రమంలో ఆలయ ఇన్‌స్పెక్టర్‌ పొరిక బావుసింగ్‌, సిబ్బంది మూడు మోహన్‌చౌహన్‌, గణితినారాయణ, పర్సా లలితసాయి, ఓం ప్రకాశ్‌ తదితరులు పాల్గొన్నారు.