నవతెలంగాణ - బోనకల్‌
మండల పరిధిలోనే గోవిందాపురం(ఏ) గ్రామానికి చెందిన స్వాతంత్య్ర సమర యోధులు, వీర తెలంగాణ రైతాంగ సాయుధ పోరాట యోధులు, సిపిఐ నాయకులు భాగం శరయ్య (96) అనారోగ్యంతో మంగళవారం మృతి చెందారు. మృతునికి ఇద్దరు కుమారులు, ఇద్దరు కుమార్తెలు ఉన్నారు. శరయ్య వీర తెలంగాణ రైతాంగ సాయుధ పోరాటంలో జరిగిన అనేక పోరాటాలలో కీలక పాత్ర నిర్వహించాడు. ఈ ప్రాంతంలో కమ్యూనిస్టు పార్టీ అభివృద్ధికి ఆయన నిరంతరం కృషి చేశాడు. ఆయన మృతికి సిపిఐ జిల్లా కార్యవర్గ సభ్యులు తోట రామాంజనేయులు, సిపిఎం మండల కార్యదర్శి దొండపాటి నాగేశ్వరరావు, సీపీఐ మండల కార్యదర్శి యంగల ఆనందరావు, జిల్లా సమితి సభ్యులు తూము రోషన్‌ కుమార్‌, సీనియర్‌ నాయకులు జక్కా నాగభూషణం తదితరులు ఆయన మృతికి ప్రగాఢ సంతాపం తెలిపారు. ఆయన అంత్యక్రియలు బుధవారం ఆయన స్వగ్రామంలో నిర్వహించ నున్నట్లు కుటుంబీకులు తెలిపారు.