అ అభివృద్ధి పధంలో కొత్తగూడెం : ఎమ్మెల్యే వనమా
నవతెలంగాణ-కొత్తగూడెం
కొత్తగూడెం పట్టణ అభివృద్ధి పధంలో పయనిస్తుందని కొత్తగూడెం ఎమ్మెల్యే వనమా వెంకటేశ్వరరావు అన్నారు. గురువారం కొత్తగూడెం మున్సిపల్‌ ఆఫీసులో ఉచిత వైకుంఠ రథం, రోడ్లు ఊడ్చే యంత్రాన్ని ప్రారంభించారు. అనంతరం పట్టణ పరిధిలోని 15, 20వ వార్డ్‌లో పలు శంకుస్థాపనలు, ప్రారంభోత్సవాలు చేశారు. ఈ సందర్భంగా ఆయన మాట్లాడారు. పురపాలక శాఖ మంత్రి కేటీఆర్‌ ఆధ్వర్యంలో కొత్తగూడెం మున్సిపాలిటీ దినదినాభివృద్ధి చెందుతోందని తెలిపారు. పట్టణ ప్రజలకు మౌలిక సదుపాయాలు కల్పించడమే నా లక్ష్యం ఎమ్మెల్యే వనమా అన్నారు. కార్యక్రమంలో మున్సిపల్‌ చైర్‌ పర్సన్‌ కాపు సీతా లక్ష్మి, వైస్‌ చైర్మన్‌ దామోదర్‌ యాదవ్‌, కొత్తగూడెం మార్కెట్‌ కమిటీ చైర్మన్‌ భూక్యా రాంబాబు, మున్సిపల్‌ ఇన్ఛార్జి కమిషనర్‌ నవీన్‌, తహసీల్దార్‌ రామకృష్ణ, వార్డు కౌన్సిలర్లు, కో-ఆప్షన్‌ సభ్యులు పాల్గొన్నారు.
