అ తన భర్తను క్షేమంగా విడిచిపెట్టాలని
భార్య వినతులు
అ భర్తను వెతుక్కుంటూ భార్య
అడవి బాట
నవతెలంగాణ-చర్ల
బీజాపూర్‌ జిల్లాలో మావోయిస్టులు అపహరించుకు పోయిన ఇంజనీర్‌ అశోక్‌ పవర్‌ రెండు రోజులు పూర్తి అయినా సమాచారం లేకపోవడంతో ఇంజనీర్‌ భార్య తన భర్తను క్షేమంగా విడిచిపెట్టాలని మావోయిస్టులను వేడుకుంటుంది. బీజాపూర్‌ 13 ఫిబ్రవరి 2022 బీజాపూర్‌లో ఇంజనీర్‌ను మావోయిస్టులు కిడ్నాప్‌ చేసి 48 గంటలు గడిచినా కిడ్నాప్‌కు గురైన ఇంజనీర్‌ ఆచూకీ లభించలేదు. ఈ మొత్తం ఘటనలో ఇప్పటి వరకు మావోయిస్టులు నుంచి ఎలాంటి డిమాండ్‌, ఆఫర్ తెరపైకి రాలేదు. మరోవైపు కిడ్నాప్‌కు గురైన ఇంజనీర్‌ భార్య తన ఇద్దరు అమాయక కూతుళ్లతో పాటు మావోయిస్టులను వేడుకుంటున్నట్టు వీడియో ఇప్పుడు సోషల్‌ మీడియాలో వైరల్‌ అవుతుంది. తన భర్తను విడిచిపెట్టాలని ఇంజనీర్‌ భార్య విజ్ఞప్తి చేస్తోంది. ఈ కిడ్నాప్‌పై సమాచారం అందుకున్న పోలీసులు కిడ్నాప్‌కు గురైన అశోక్‌ పవార్‌ను వెతికే పనిలో నిమగమయ్యారు. భార్య సైతం స్థానికుల సహకారంతో భర్తను వెతుక్కుంటూ అడవి బాట పట్టింది. మరోవైపు తమ తండ్రిని ఎవరో తీసుకెళ్లారని కూతుళ్లిద్దరూ కన్నీరుమున్నీరుగా విలపిస్తున్నారు. ఇందులో తన తప్పేమీ లేదని ఆ మహిళ వీడియో ద్వారా విజ్ఞప్తి చేసింది. తన విన్నపాన్ని విన్న తర్వాత మావోయిస్టులు అశోక్‌ను విడుదల చేస్తారని ఆయన ఆశిస్తున్నారు. ఇంతకు ముందు కూడా, 2021 నవంబర్‌లో బీజాపూర్‌ జిల్లాలోనే పీఎంజీఎస్‌వై ఇంజనీర్‌, పూణేను మావోయిస్టులు కిడ్నాప్‌ చేశారు. ఇంజనీర్‌ భార్య అర్పిత కూడా అతడిని విడిపించేందుకు అడవిలో తిరిగారు. తన భర్తను విడుదల చేయాలని అర్పిత కూడా నక్సలైట్లకు వీడియో ద్వారా విజ్ఞప్తి చేసింది. దీని తరువాత, వారు ప్రజా కోర్టు నిర్వహించి 7 రోజుల తర్వాత ఇంజనీర్‌ను విడుదల చేశారు. ఇలాంటి పరిస్థితుల్లో కిడ్నాప్‌కు గురైన ఇంజనీర్‌ అశోక్‌ భార్య మరోసారి అమాయక కూతుళ్లతోకలసి తన భర్తను మావోయిస్టుల నుంచి విడిపించాలంటూ వేడుకుంటున్నారు.
