నవతెలంగాణ-ములకలపల్లి
క్రీడా పాఠశాలలకు సంబంధించి ములకలపల్లి జిల్లా పరిషత్‌ ఉన్నత పాఠశాలలో శుక్రవారం ఎంపికలు జరిగాయి. హకీంపేట, ఆదిలాబాద్‌, కరీంనగర్‌లో 4, 5 తరగతుల ప్రవేశాల కోసం దరఖాస్తులను ఆహ్వానించగా అందులో 21 మంది విద్యార్థులను ఎంపిక చేసినట్టు పీడీ సుకుమారి తెలిపారు. విద్యార్థుల ఎత్తు, బరువును పరిశీలించి వారి సామర్ధ్యాన్ని బట్టి ఎంపిక చేయడం జరిగిందన్నారు. వర్టికల్‌ జంప్‌, ప్లెక్సుబులిటీ, బ్రాడ్‌ జంప్‌, షటిల్‌ రన్‌, 30 మీటర్ల ప్లేయింగ్‌ రన్‌, 800 మీటర్ల రన్నింగ్‌, మెడిసన్‌ బాల్‌ తదితర క్రీడల్లో ఇప్పటికే పీఈటీలు కె.సుజాత, అనూష, వీరభద్రం, వెంకటేష్‌, రాంబాబులతో శిక్షణ ఇస్తున్నట్టు ఆమె తెలిపారు.