నవతెలంగాణ-దుమ్ముగూడెం
మండలంలోని బండారుగూడెం ప్రాదమికోన్నత పాఠశాలకు అఖిల ఫౌండేషన్‌, బెక్కంటి శ్రీనివాసరావు చాటిటబుల్‌ ట్రస్టు వారి సౌజన్యంతో ఆర్వోప్లాంటును శుక్రవారం వితరణగా అందజేశారు. ఆర్వో ప్లాంటును బండారుగూడెం సర్పంచ్‌ కాటబోయిన వెంకటేశ్వర్లు, విద్యాకమిటీ చైర్మన్‌ కుంజా నాగేశ్వరరావు, పాఠశాల ప్రదానోపాధ్యాయులు బెక్కంటి శ్రీనివాసరావులకు అందజేశారు. ప్రధానోపాధ్యాయులు బెక్కంటి శ్రీనివాసరావు మాట్లాడుతూ పాఠశాలలో ఇటీవల ఐటీసీ ఎమ్మెస్కే నిర్వహించిన జల పరీక్షల్లో బోర్‌ నుంచి వచ్చే మంచినీరు పిల్లలకు హార్డ్‌ వాటర్‌గా తేలిందన్నారు. తన అభ్యర్దన మేరకు పాఠశాలకు ఆర్వో ప్లాంటు ఇచ్చేందు అఖిల పౌండేషన్‌, బెక్కంటి శ్రీనివాసరావు చాటిటబుల్‌ ట్రస్టులు ముందుకు రావడం అభినందనీయమన్నారు. సర్పంచ్‌ మాట్లాడ ుతూ ఆర్వో ప్లాంటును విద్యార్ధుల కోసం అందించిన స్వచంద సంస్థలను అభినందించడంతో పాటు గ్రామ పంచాయతీ నుండి తమసహాయ సహకారాలు అందిస్తామన్నారు.
