అ మాజీ ఎంపీ మిడియం బాబురావు
నవతెలంగాణ-భద్రాచలం
అమరజీవి కామ్రేడ్‌ బండారు తులసి ఆశయ సాధనకు కృషి చేయాలని సీపీఐ(ఎం) రాష్ట్ర నాయకులు, భద్రాచలం మాజీ ఎంపీ డాక్టర్‌ బాబురావు పిలుపునిచ్చారు. శుక్రవారం బండారు తులసి ఐదో వర్ధంతి పార్టీ పట్టణ కార్యదర్శి గడ్డం స్వామి అధ్యక్షతన జరిగింది. ఈ సందర్భంగా బండారు తులసి చిత్రపటానికి పూలమాలవేసి నివాళులు అర్పించారు. అనంతరం ఆయన మాట్లాడుతూ బండారు తులసి పార్టీ అభివృద్ధికి, ఐద్వా నిర్మాణంలో కీలక పాత్ర పోషించారని అన్నారు. కామ్రేడ్‌ తులసి మహిళలపై జరుగుతున్న హింస, అత్యాచారాలకు వ్యతిరేకంగా జరిగే ఉద్యమాలు, పోరాటాలలో చురుగ్గా పాల్గొన్నారని అన్నారు. నేడు సమాజంలో రోజురోజుకు మహిళలపై అత్యాచారాలు పెరిగిపోతున్నాయని, బీజేపీ అధికారంలోకి వచ్చాక అవి మరింత పెరిగాయని ఆయన అన్నారు. రానున్న కాలంలో మహిళలపై జరుగుతున్న దాడులకు అసమానతలకు వ్యతిరేకంగా ఉద్యమించాలని అన్నారు. అదే బండారు తులసికి మనం ఇచ్చే ఘననివాళి అన్నారు. అలాగే సీపీఐ(ఎం) రాష్ట్ర కమిటీ సభ్యులు మచ్చా వెంకటేశ్వర్లు, శ్రామిక మహిళా జిల్లా నాయకులు ప్రసంగించారు. ఈ కార్యక్రమంలో సీపీఐ(ఎం) రాష్ట్ర కమిటీ సభ్యులు ఏ.జె.రమేష్‌, జిల్లా కార్యదర్శివర్గ సభ్యులు ఎం.బి.నర్సింహారెడ్డి, జిల్లా కమిటీ సభ్యులు సున్నం గంగ, పట్టణ కార్యదర్శి వర్గ సభ్యులు బండారు శరత్‌ బాబు, వై వెంకట రామారావు, పి.సంతోష్‌ కుమార్‌, పట్టణ కమిటీ సభ్యులు జ్యోతి, లక్ష్మణ్‌, శ్రీనివాస్‌, కోరాడ శ్రీనివాస్‌, యం.వి.యస్‌. నారాయణ, యన్‌.నాగరాజు, కుటుంబ సభ్యులు బండారు సరస్వతి, బండారు సూర్య ప్రసాద్‌, ప్రతాప్‌, అరుణ్‌ చంద్‌ తదితరులు పాల్గన్నారు.
