అ జడీటీసీ కామిరెడ్డి శ్రీలత
నవతెలంగాణ-బూర్గంపాడు
మండల పరిధిలోని కోయ గూడెం పంచాయతీలో ఐటీసీ పీఎస్‌ పీడీ సునేరకల్‌ బంగారు భవిష్యత్తు సహకారంతో రూ.9లక్షలతో నిర్మించతలపెట్టిన అంగన్వాడీ కేంద్ర భవన నిర్మాణ పనులకు జడ్పీటీసీ కామిరెడ్డి శ్రీలత, సర్పంచ్‌ తుపాకుల రామలక్ష్మితో కలిసి శుక్రవారం భూమిపూజ చేశారు. ఈ సందర్భంగా వారు మాట్లాడుతూ ఐటీసీ పీఎస్పీడీ గ్రామాల అభివృద్ధిలో భాగంగా సహకారం అందించడం అభినందనీయ మన్నారు. ఈ కార్యక్రమంలో ఏఎంసీ చైర్పర్సన్‌ ముత్యాలమ్మ, టీఆర్‌ఎస్‌ మండల పార్టీ అధ్యక్షుడు గోపిరెడ్డి రమణారెడ్డి, ఉప సర్పంచ్‌ సున్నం కేశవ్‌, నాయకులు బెల్లంకొండ రామారావు, కొనకంచి శ్రీనివాసరావు, తిరుపతి ఏసోబు, పొడియం నరేందర్‌, కాకాని రాంబాబు, బెజ్జంకి కనకాచారి, రవి, లక్ష్మిచైతన్యరెడ్డి, సతీష్‌, శ్రీనివాసరావు, భీమరాజు, పంచాయతీ కార్యదర్శి షర్మిల, ఐటీసీ సునేరకల్‌ అధికారులు పాల్గొన్నారు.
