నవతెలంగాణ-అశ్వారావుపేట
అక్షర దీక్ష మాసపత్రిక, సాహిత్య కళా వేదిక సంయుక్తంగా నిర్వహిస్తున్న అక్షరదీక్ష జాతీయ స్థాయీ పురస్కారానికి (2021) మండల పరిధిలోని నారంవారిగూడెం ఎం.పి.యు.పి.ఎస్‌ ప్రధానోపాధ్యాయులు చల్లగుండ్ల అప్పారావు ఎంపిక అయ్యారు. ఈ సాహిత్య వేదిక ఆధ్వర్యంలో సాహిత్యం విశిష్ట సేవలు అందించే వారికి ప్రతీ ఏడాది పురస్కారాలు అందిస్తారు. జాతీయ స్థాయిలో ఈ ఏడాది 33 మంది విశిష్ట సేవా పురస్కారాలకు, నలుగురు జ్యూరీ అవార్డులకు, 13 కాంప్లిమెంటరీ అవార్డులకు ఎంపిక అయ్యారు. ఈ మేరకు హైద్రాబాద్‌లోని బిర్లా సైన్స్‌ మ్యూజియంలో గల భాస్కర ఆడిటోరియంలో ఈ నెల 20న జరిగిన కార్యక్రమంలో అప్పారావు పురస్కారాన్ని అందుకున్నారు. వీరిని ఆ పాఠశాల సహా ఉపాధ్యాయులతో పాటు మండల విద్యాశాఖ అభినందనలు తెలిపారు.