నవతెలంగాణ-ములకలపల్లి
మండల కేంద్రమైన ములకలపల్లిలోని మంగపేట ప్రాథమిక ఆరోగ్య కేంద్రంలో గురువారం ఆశా కార్యకర్తలకు స్మార్ట్ఫోన్లు పంపిణీ చేశారు. స్థానిక ఎంపీపీ మట్ల నాగమణి, జడ్పీటీసీ సున్నం నాగమణి చేతుల మీదుగా వీటిని అందజేశారు. అనంతరం ఎంపీపీ మాట్లాడుతూ ప్రభుత్వం ప్రజా ఆరోగ్యానికి అధిక ప్రాధాన్యత ఇస్తుందని, అందులో భాగంగా ఆశాలకు స్మార్ట్ఫోన్లు పంపిణీ చేసినట్టు తెలిపారు. అదేవిధంగా ఈనెల 27 నుంచి జరిగే పల్స్‌ పోలియో కార్యక్రమాన్ని విజయవంతం చేయాలన్నారు. ఈ కార్యక్రమంలో ఎంపీటీసీ మెహరామణి, మాధారం సర్పంచ్‌ వాడె నాగరాజు, వైద్యురాలు మౌనిక, వైద్యసిబ్బంది, ఆశా కార్యకర్తలు పాల్గొన్నారు.
చండ్రుగొండ : కరోనా కష్టకాలంలో ఆశ వర్కర్ల సేవలు మరువలేనివని, జడ్పీటీసీ కొడకండ్ల వెంకటరెడ్డి అన్నారు. గురువారం స్థానిక ప్రభుత్వ ఆరోగ్య కేంద్రంలో ఆశ వర్కర్లకు ప్రభుత్వం ఉచితంగా పంపిణీ చేస్తున్న స్మార్ట్ఫోన్లను అందించి, మాట్లాడారు. ఈ కార్యక్రమంలో తహసీల్దార్‌ ఉషా శారదా, ఎంపీడీవో అన్నపూర్ణ, హెల్త్‌ ఆఫీసర్‌ రాకేశ్‌ కుమార్‌, వైద్య సిబ్బంది ఇమామ్‌, శ్రీనివాస్‌, ఆశా కార్యకర్తలు పుణ్యావతి, కె.విజయలక్ష్మి, కుమారి, లక్ష్మీ, పాల్గొన్నారు.
అశ్వాపురం ఆశా వర్కర్లకు మండల కేంద్రంలోని ప్రాథమిక వైద్య ఆరోగ్య కేంద్రంలో ఎంపీపీ ముత్తినేని సుజాత చేతుల మీదుగా స్మార్ట్ఫోన్లను పంపిణీ చేశారు. ఈ సందర్భంగా ఆమె మాట్లాడారు. మండల వైద్యాధికారి మణికంఠ రెడ్డి, సర్పంచ్‌ శారద కోఆప్షన్‌ సభ్యులు ఎస్కే ఖదీర్‌, ఏఎన్‌ఎంలు పాల్గొన్నారు.
