నవతెలంగాణ-సత్తుపల్లి
సత్తుపల్లి, పెనుబల్లి మండలాల్లో నూతన పోస్టల్‌ బ్రాంచ్‌ ఆఫీసులను సత్తుపల్లి పోస్టల్‌ ఇన్స్‌పెక్టర్‌ ప్రవీణ్‌కుమార్‌ శుక్రవారం ప్రారంభించారు. ఈ సందర్భంగా ప్రవీన్‌కుమార్‌ మాట్లాడుతూ గ్రామీణ ప్రాంతాల్లో ప్రజలకు తపాల సౌకర్యాలు మరింత చేరువయ్యేందుకు ఈ బ్రాంచీలు ప్రారంభించినట్లు తెలిపారు. సత్తుపల్లి మండలంలోని రుద్రాక్షపల్లి, బుగ్గపాడు, కిష్టాపురం, పాకలగూడెం, తాళ్లమడ, రామానగరం గ్రామలలో, పెనుబల్లి మండలంలో అడవిమల్లేలా, పాత అగ్రహారం, రామచంద్రరావు బంజర, తెలగారం గ్రామాలలో నూతన బ్రాంచీలు ప్రారంభించినట్లు తెలిపారు. కార్యక్రమంలో పెనుబల్లి ఎస్‌పీఎం సురేష్‌, ఎంఓలు వెంకటేశ్వరరావు, రవి పాల్గొన్నారు.