- కేటీపీఎస్‌ చీఫ్‌ ఇంజనీర్‌ వెంకటేశ్వరరావు
- క్రీడాకారులకు క్రికెట్‌ కిట్లు అందజేసిన సీఈ
నవతెలంగాణ-పాల్వంచ
కేటీపీఎస్‌లో క్రికెట్‌ క్రీడాకారులు సత్తా చాటాలని కొత్తగూడెం థర్మల్‌ పవర్‌ స్టేషన్‌ ఏడవ దశ చీఫ్‌ ఇంజనీర్‌ పి.వెంకటేశ్వరరావు అన్నారు. కేటీపీఎస్‌ ఏడో దశ స్పోర్ట్స్‌ కౌన్సిల్‌ ఆధ్వర్యంలో శుక్రవారం క్రికెట్‌ క్రీడాకారులకు క్రికెట్‌ కిట్‌ అందజేసే కార్యక్రమానికి ఆయన ముఖ్య అతిథిగా హాజరై క్రీడాకారులకు అందజేశారు. ఈ సందర్భంగా ఆయన మాట్లాడుతూ ఈ నెల 9 నుండి 13 వరకు కాకతీయ ధర్మల్‌ పవర్‌ ప్లాంట్‌ భూపాలపల్లిలో జరుగు ఇంటర్ ప్రాజెక్ట్‌ క్రికెట్‌ టోర్నమెంట్లో మంచి ప్రతిభను చాటి విజయం సాధించాలని కేటీపీఎస్‌కు క్రీడల్లో మంచి పేరు తేవాలని సూచించారు. ఈ కార్యక్రమంలో కేటీపీఎస్‌ స్పోర్ట్స్‌ కౌన్సిల్‌ జనరల్‌ సెక్రటరీ వై.వెంకటేశ్వర్లు, ఎస్‌ఈసివిల్‌ఎస్‌యు గణపతి, ఎస్‌ఈకోల్‌ ప్లాంట్‌ గుర్రం రాజ్‌ కుమార్‌, డిఈ శేఖర్‌ కిరణ్‌ కుమార్‌, కే.రమణ, క్రికెట్‌ క్రీడాకారులు తదితరులు పాల్గొన్నారు.
