నవతెలంగాణ- ముదిగొండ
మండలపరిధిలో చిరుమర్రి గ్రామం నుండి జాతీయ బైపాస్‌ రహదారికి పెద్ద టిప్పర్‌ లారీలతో గ్రావెల్‌ తొలి గ్రామ రహదారులను ధ్వంసం చేస్తున్నారని గ్రామస్తులు గ్రావెల్‌ లారీని సోమవారం అడ్డుకున్నారు. గ్రావెల్‌ తోలకాలు వెంటనే నిలిపివేయాలని ప్రభుత్వ అధికారులను వారు డిమాండ్‌ చేశారు. గ్రావెల్‌ తోలకాలు నిలిపివేయకపోతే అఖిలపక్షం ఆధ్వర్యంలో ఆందోళనకు దిగుతామని గ్రామస్తులు హెచ్చరించారు. గ్రామంలోని రహదారులు గుంటలు పడి మంచినీళ్ల పైపులుతోపాటు, రహదారులు ధ్వంసమవుతున్నాయని గ్రామస్తులు ఆవేదన వ్యక్తం చేశారు.ఈ కార్యక్రమంలో సిపిఐ(ఎం) మండల నాయకులు కోలేటి ఉపేందర్‌, సామినేని రామారావు, బండి శేఖర్‌, కాంగ్రెస్‌ పార్టీ నాయకులు పల్లపాటి కృష్ణ, సామినేని శంబయ్య, సామినేని చలమయ్య గ్రామస్తులు పాల్గొన్నారు.