నవతెలంగాణ - తిరుమలాయపాలెం
మహిళల శ్రమ పాత్ర లేకుండా సమాజ అభివృద్ధి జరగలేదని, ఆదిమ సమాజం నుండి ఆధునిక సమాజం వరకు మహిళల శ్రమ పాత్ర ముఖ్యమని సిఐటియు జిల్లా నాయకులు బషీరుద్దీన్‌ అన్నారు. స్థానిక ఐకెపి ఆఫీస్‌లో సీఐటీయూ మండల కమిటీ ఆధ్వర్యంలో గ్రామ దీపికలతో సోమవారం జాతీయ మహిళా దినోత్సవం నిర్వహించారు. ఈ సందర్భంగా సిఐటియు మండల కార్యదర్శి వీరన్న అధ్యక్షతన జరిగిన సభలో ముఖ్య అతిథిగా పాల్గొన్న షేక్‌ బషీరుద్దీన్‌ మాట్లాడుతూ సమాజ పరిణామ క్రమంలో స్త్రీల పాత్ర చాలా ముఖ్యమని, మహిళల భాగస్వామ్యం లేకుండా సమాజాభివృద్ధి జరగదన్నారు. ఈ సంద ర్భంగా గ్రామ దీపికల మండల కమిటీని సీఐటీయూకి అనుబంధంగా ఎన్నుకు న్నారు. మండల అధ్యక్ష కార్యదర్శులుగా మేకల కృష్ణవేణి, మెట్టు స్వరూపాలను ఎన్నుకున్నారు. వీరితో పాటుగా ఉపాధ్యక్షులుగా వసంత, అరుణ, సహాయ కార్యదర్శులుగా రమా, ఆశ, కోశాధికారిగా రమణను ఏకగ్రీ వంగా కమిటీని ఎన్నుకున్నారు. కార్యక్రమంలో సిఐటియు డివిజన్‌ నాయకులు కొమ్ము శ్రీను, రైతు సంఘం జిల్లా నాయకులు తుళ్లూరు నాగేశ్వరరావు పాల్గొన్నారు.
