నవతెలంగాణ-ఖమ్మం
సంకల్ప స్వచ్ఛంద సేవా సంస్థ సభ్యురాలు, ఆర్టీసీ కండక్టర్‌ పి.అనితను ఆర్టీసీ ఎండీ సజ్జనార్‌ సత్కరించారు. యంగ్‌ ఇండియా బ్లడ్‌ డోనర్స్‌ క్లబ్‌ ఆధ్వర్యంలో హైదరాబాద్‌లో రక్తదాతలను, రక్తదానం ప్రోత్సహించేవారిని సత్కరించి, మెమోంటోలు అందజేశారు. ఖమ్మం జిల్లాతో పాటు చుట్టు ప్రక్కల జిల్లాలోన్ని తలసేమియా చిన్నారులకు సేవలందిస్తున్న అనిత సేవలను గుర్తించిన క్లబ్‌ నిర్వాహకులు యంగ్‌ ఇండియా సేవా పురస్కార్‌-2022 అందజేసి సన్మానిచారు. ఈ కార్యక్రమానికి ముఖ్యఅతిధిగా ఆర్టీసీ ఎండీ సజ్జనార్‌ హాజరై అనితను సత్కరించి, ఆమె సేవలను కొనియాడారు. ప్రాణాపాయ స్థితిలో ఉన్న వారికి రక్తదానం చేసే వారిని ప్రోత్సహించాలన్నారు. తొలుత ఎండి సజ్జనార్‌ను సంకల్ప స్వచ్ఛంద సేవా సంస్థ ఉపాధ్యక్షురాలు పావని, అనితలు కలిసి తలసేమియా చిన్నారులకు ఆర్టీసీ బస్సుల్లో ఉచితంగా ప్రయాణం చేసేందుకు బస్సు పాస్‌లు ఇప్పించాలని కోరారు. దీనిపై ఆయన సానుకూలంగా స్పందించారు. ఈ కార్యక్రమంలో క్లబ్‌ నిర్వాహకులు బాలు, డాక్టర్‌ ప్రియదర్శిని తదితరులు పాల్గొన్నారు.
