- ప్రతిష్టకు హాజరైన ఎమ్మెల్యే మెచ్చా
నవతెలంగాణ-ములకలపల్లి
         మండల పరిధిలోని సీతారాంపురం పంచాయతీ ఆనందపురంలో ఆదివారం బొడ్రాయి ప్రతిష్టా కార్యక్రమం ఘనంగా నిర్వహించారు. ప్రతిష్ఠా కార్యక్రమానికి అశ్వారావుపేట ఎమ్మెల్యే మెచ్చా నాగేశ్వరరావు హాజరవ్వగా అర్చకులు, కమిటీ నిర్వాహకులు ఆయనకు పూర్ణకుంభంతో స్వాగతం పలికారు. అనంతరం ఆయన బొడ్రాయి ప్రతిష్టలో పాల్గొని బొడ్రాయి వద్ద ప్రత్యేక పూజలు నిర్వహించారు. బొడ్రాయి ప్రతిష్ట సందర్భంగా ఎమ్మెల్యే గ్రామానికి రూ.పదివేల అందించారు. అలాగే గ్రామంలో సమస్యలు ఉంటే తన దృష్టికి తీసుకురావాలని వాటిని పరిష్కరిస్తానని అన్నారు. అనంతరం చవిటిగూడెంలో ఓ వివాహ వేడుకకు ఆయన హాజరయ్యారు. కార్యక్రమంలో టీఆర్‌ఎస్‌ మండల అధ్యక్షుడు మోరంపూడి అప్పారావు, ఎంపీపీ మట్ల నాగమణి, కృష్ణ, అంజి, సీతారాంపురం సర్పంచ్‌ సుశీల, రాజేష్‌, ప్రవీణ్‌ కుమార్‌, భక్తులు పాల్గొన్నారు.
ఇల్లందు : టేకులపల్లి మండలం తూర్పు గూడెం గ్రామంలో ఆదివారం ఘనంగా బొడ్రాయి ప్రతిష్ట నిర్వహించారు. ఈ సందర్భంగా ముత్యాలమ్మకు గ్రామ ప్రజలు డప్పు వాయిద్యాలతో డీజే సంబరాలతో బోనాలు సమర్పించారు. కార్యక్రమంలో గ్రామ పెద్దలు, గ్రామ యూత్‌ కమిటీ తాటి నాయకులు మోహన్రావు, కొమరం హనుమంతు, తాటి మల్లయ్య దొర, మహిళలుపాల్గొన్నారు.