- గురుకులం ఇన్‌చార్జి ఆర్‌సీఓ డేవిడ్‌ రాజ్‌
నవతెలంగాణ-భద్రాచలం
గురుకులం కళాశాల ఇంటర్‌ మీడియట్‌ ప్రధమ సంవత్సరం ప్రవేశ పరీక్షలు సజావుగా జరిగినట్లు గురుకులం ఇంచార్జి ఆర్‌సీఓ డేవిడ్‌ రాజ్‌ అన్నారు. ఆదివారం భద్రాచలంలోని గురుకుల బాలుర డిగ్రీ కళాశాల, మణుగూరులోని కళాశాలలను ఆయన సందర్శించి పరీక్షలు సజావుగా జరిగేటట్లు చూడాలని సంబంధిత ఉపాధ్యాయులకు ఆయన ఆదేశించారు. ముందుగా ఆయన సంబంధిత కళాశాలలను సందర్శించి ప్రశ్నాపత్రాలను తరగతి గదులను పరిశీలించారు. సెల్‌ఫోన్‌లో గాని ఎలక్ట్రానిక్‌కి సంబంధించిన ఎటువంటి పరికరాలను పరీక్షల్లోనికి అనుమతించకూడదని సంబంధిత ఉపాధ్యాయులను ఆదేశించారు. ఈ కార్యక్రమంలో భద్రాచలం డిగ్రీ కళాశాల ప్రిన్సిపాల్‌ స్వప్న కుమారి, దేవరాజ్‌ తదితరులు పాల్గొన్నారు.