నవతెలంగాణ-ఖమ్మంప్రాంతీయప్రతినిధి
తెరాస రాష్ట్ర నాయకులు, ఖమ్మం మాజీ పార్లమెంటు సభ్యులు పొంగులేటి శ్రీనివాసరెడ్డి ఖమ్మం జిల్లాలో ఆదివారం పర్యటించారు. పర్యటనలో భాగంగా పాలేరు నియోజకవర్గంలోని కూసుమంచి, తిరుమలయపాలెం, ఖమ్మం రూరల్‌ మండలాల్లో, ఖమ్మం నియోజకవర్గంలోని ఖమ్మం అర్బన్‌, ఖమ్మం నగరంలో, వైరా నియోజకవర్గంలోని వైరా మండల కేంద్రంలో, సత్తుపల్లి నియోజకవర్గంలోని సత్తుపల్లి మండల కేంద్రంతో పాటు వేంసూరు, కల్లూరు, పెనుబల్లి మండలాల్లో పర్యటించారు. పర్యటనలో భాగంగా ఆయా మండలాల్లోని గ్రామాల్లో పర్యటించి ఇటీవల మృతిచెందిన పలువురు వ్యక్తుల కుటుంబాలను పరామర్శించి ఆర్థికసాయం అందజేశారు. వివిధ ప్రమాదాల్లో గాయపడిన వారిని, అనారోగ్యంతో బాధపడుతున్న వ్యక్తులను పరామర్శించారు. వివాహాది శుభకార్యక్రమాలతో పాటు ఓణీల అలంకరణ వేడుక, పంచకట్టు వేడుక తదితర శుభకార్యక్రమాల్లో పాల్గొని నూతన వస్త్రాలను కానుకగా అందజేశారు. ఈ కార్యక్రమాల్లో పొంగులేటి వెంట రాష్ట్ర ఎస్సీ కార్పొరేషన్‌ మాజీ ఛైర్మన్‌ పిడమర్తి రవి, మాజీ డీసీసీబీ ఛైర్మన్‌ మువ్వా విజయబాబు, జిల్లా నాయకులు మట్టా దయానంద్‌, వూకంటి గోపాల్‌రావు, సత్తుపల్లి మున్సిపల్‌ వైస్‌ ఛైర్మన్‌ తోట సుజలరాణి, ఆళ్ల మురళీ, మహ్మద్‌ రజాక్‌, ఖమ్మం నగర కార్పొరేటర్‌ దొడ్డా నగేష్‌, చావా శివరామకృష్ణ, మైనార్టీ నాయకులు షేక్‌ ఇమామ్‌, రామసహాయం నరేష్‌రెడ్డి, ఎర్రి నరసింహారావు, మందపాటి ముత్తరెడ్డి, యాసా వెంకటేశ్వరరావు, కాటేపల్లి కిరణ్‌, అంకిరెడ్డి కృష్ణారెడ్డి, మాజీ జెడ్పీటీసీ బత్తుల అంజి, భీమనాథుల అశోక్‌రెడ్డి, చల్లా రామకృష్ణారెడ్డి, దుంపల రవి, కాంపాటి రమేష్‌, బజ్జూరి వెంకట్‌రెడ్డి పాల్గొన్నారు.
