నవతెలంగాణ - వైరా టౌన్‌
వైరా మండలం రెబ్బవరం గ్రామంలో ఇటీవల మరణించిన సిపిఐ(ఎం) సీనియర్‌ నాయకులు కామ్రేడ్‌ తూము వెంకయ్య(70) కుటుంబ సభ్యులకు సిపిఐ(ఎం) జిల్లా కార్యదర్శి నున్నా నాగేశ్వరరావు మంగళవారం పరామర్శించారు. తూము వెంకయ్యకు ముగ్గురు కుమారులు తూము సురేష్‌, తూము సుధాకర్‌, తూము అశోక్‌ లకు తన ప్రగాఢ సానుభూతి వ్యక్తం చేశారు. వీరిలో తుము సుధాకర్‌ సిపిఐ (ఎం) వైరా రూరల్‌ మండల కమిటీ సభ్యునిగా పనిచేస్తున్నారు. ఈ సందర్భంగా సిపిఐ (ఎం) జిల్లా కార్యదర్శి నున్నా నాగేశ్వరరావు మాట్లాడుతూ తూము వెంకయ్య పార్టీ పట్ల విశ్వాసంతో, నిబద్ధతతో పని చేసేవారిని కొనియాడారు. తూము వెంకయ్య మరణం పార్టీకి తీరని లోటని అన్నారు. తూము వెంకయ్య కుమారులు తండ్రి వారసత్వాన్ని కొనసాగిస్తూ పార్టీని బలోపేతం చేయడానికి కృషి చేయాలని కోరారు. ఈ కార్యక్రమంలో సిపిఐ(ఎం) జిల్లా కార్యదర్శివర్గ సభ్యులు బొంతు రాంబాబు, వైరా మండల కార్యదర్శి తోట నాగేశ్వరావు, నాయకులు గోపి, గుండు శివాజీ తదితరులు పాల్గొన్నారు.
శ్రీరామనేని సత్యనారాయణ ప్రథమ వర్ధంతి
అష్టగుర్తి గ్రామంలో సిపిఐ(ఎం) సీనియర్‌ నాయకులు శ్రీరామనేని సత్యనారాయణ ప్రథమ వర్ధంతిని మంగళవారం ఘనంగా నిర్వహించారు. ఈ సందర్భంగా శ్రీరామనేని సత్యనారాయణ చిత్రపటానికి సిపిఐ (ఎం) వైరా రూరల్‌ మండల కార్యదర్శి తోట నాగేశ్వరరావు పూలమాలలు వేసి నివాళులర్పించారు. ఈ కార్యక్రమంలో సిపిఐ(ఎం) వైరా రూరల్‌ మండల కార్యదర్శివర్గ సభ్యులు బాజోజు రమణ, వైరా సొసైటీ వైస్‌ చైర్మెన్‌ కొణిదెన కోటేశ్వరరావు, వైరా సొసైటీ డైరెక్టర్‌ వనమా చిన్న సత్యనారాయణ, పార్టీ సభ్యులు బొల్లం రామయ్య, శంకరయ్య తదితరులు పాల్గొన్నారు.
