నవతెలంగాణ-ఎర్రుపాలెం
ఎర్రుపాలెం మండలం ఇనగాలి గ్రామానికి చెందిన మండల రైతు బంధు సమితి కన్వీనర్‌ వేమిరెడ్డి బాలరాఘవ రెడ్డి ఇటీవల వారి గ్రామంలో మోటార్‌ సైకిల్‌ పై వెళ్తూ రోడ్డు ప్రమాదంలో గాయపడి ఖమ్మంలోని ప్రైవేటు హాస్పిటల్‌ నందు చికిత్స పొందుతున్నారు. కాగా గురువారం లోక్‌ సభాపక్ష నేత, ఖమ్మం పార్లమెంట్‌ సభ్యులు నామ నాగేశ్వరరావు స్వయంగా హాస్పిటల్‌కు వెళ్లి రాఘవరెడ్డితో మాట్లాడి వివరాలు అడిగి తెలుసుకుని పరామర్శించారు. అలానే బాలరాఘవరెడ్డి ఆరోగ్య పరిస్థితిని హాస్పిటల్‌ వైద్యులతో ఎంపీ నామ మాట్లాడి అడిగి తెలుసుకున్నారు. ఎంపీ నామ వెంట నాయకులు చిత్తారు సింహాద్రి యాదవ్‌, సోషల్‌ మీడియా మధిర నియోజకవర్గ ఇంచార్జ్‌ తాళ్లూరి హరీష్‌ బాబు, నామ సేవా సమితి సభ్యులు పాల్వంచ రాజేష్‌, చీకటి రాంబాబు, రేగళ్ల కృష్ణప్రసాద్‌ తదితరులు ఉన్నారు.
పలు వివాహ శుభకార్యాల్లో పాల్గొన్న ఎంపీ నామ
కూసుమంచి మండలంలో ఎంపీ నామ విస్తృతంగా పర్యటించారు. అందులో భాగంగా జరిగిన పలు వివాహ శుభకార్యాలలో ఆయన పాల్గొన్నారు. ముందుగా నాయకన్‌ గూడెం గ్రామంలో జరిగిన పలు వివాహాలకు హాజరయ్యారు. అదే గ్రామంలో ఇటీవల మరణించి పలు కుటుంబాలకు చెందిన సభ్యులను పరామర్శించారు. కార్యక్రమాల్లో డీసీసీబీ డైరెక్టర్‌ ఇంటూరి శేఖర్‌, మండల టీ.ఆర్‌.ఎస్‌ పార్టీ అధ్యక్షుడు వేముల వీరయ్య, వైస్‌ ఎంపీపీ పద్మ, మండల కార్యదర్శి పాషా, నాయకులు మల్లిడి వెంకన్న, చిత్తారు సింహాద్రి, అలివేలుమ్మ, ఎంపీటీసీలు బాలాజీ నాయక్‌, మంగ్యా నాయక్‌, సర్పంచ్‌లు పద్మారెడ్డి, చెన్న మోహన్‌, కిసాన్ నాయక్‌, పలువురు ప్రజాప్రతినిధులు, పార్టీ నాయకులు, అనుబంధ సంఘాల నాయకులు తదితరులు పాల్గొన్నారు.
