- రాష్ట్ర కోఆర్డినేటర్‌గా డాక్టర్‌ గోళ్ళ భూపతి రావు
నవతెలంగాణ-భద్రాచలం
             భద్రాచలం పట్టణానికి చెందిన హరిత రత్న, గ్రీన్‌ భద్రాద్రి గౌరవ అధ్యక్షులు, పట్టణ ప్రముఖులు డాక్టర్‌ గోళ్ళ భూపతి రావు కు జాతీయ స్వచ్ఛంద సేవా సంస్థల జేఏసీ తెలంగాణ రాష్ట్ర కోఆర్డినే టర్‌ గా నియమిస్తూ ఉత్తర్వులు జారీ చేశారు. గత 12 సంవత్సరాలుగా పర్యావరణ పరిరక్షణ కు గ్రీన్‌ భద్రాద్రి సంస్థ ద్వారా వీరు సేవలు అందిస్తున్నారు.అనేక రకాలైన సేవా కార్యక్రమాలు కూడా ఆయన నిర్వహిస్తున్నారు. వీరి ప్రతిభను గుర్తించిన జాతీయ స్వచ్ఛంద సేవా సంస్థల జేఏసీ వారు జాతీయ స్థాయిలో ఏర్పాటు చేసిన సంస్థలో రాష్ట్ర కోఆర్డినేటర్‌గా గోళ్ళ భూపతి రావు నియమిస్తూ జాతీయ అధ్యక్షుడు డాక్టర్‌ ఉప్పు నూతల నాగరా జు గౌడ్‌, జాతీయ సెక్రటరీ ముడుపు రాంప్రకాష్‌ నియామక ఉత్తర్వులను గురువారం విడుదల చేశారు. ఈ సందర్భంగా గోళ్ళ భూపతి రావు మాట్లాడుతూ రాష్ట్ర కోఆర్డినేటర్‌గా నా బాధ్యతలు సక్రమంగా నిర్వహిస్తానని తెలిపారు. అలాగే జాతీయ అధ్యక్షుడు నాగరాజు గౌడ్‌ మాట్లాడుతూ జాతీయ స్థాయిలో ఏర్పాటు చేసిన స్వచ్ఛంద సేవా సంస్థ 16 అంశాలతో స్వచ్ఛంద సేవా సంస్థలను బలోపేతం చేయడానికి ప్రభుత్వంతో సంప్రదింపులు జరిపి సేవా కార్యక్రమాలు పటిష్టంగా అమలు చేయుటకు సంబంధిత స్వచ్ఛంద సేవా సంస్థలకు తగు సలహాలు సూచనలు ఇస్తూ ముందుకు వెళుతుందని ఆయన అన్నారు. ఈ సందర్భంగా గోళ్ళ భూపతి రావును పట్టణ ప్రముఖులు అభినందించారు.