నవతెలంగాణ-కల్లూరు
రాష్ట్ర స్థాయి త్రోబాల్‌ పోటీలు స్థానిక ప్రతిభా విద్యాలయంలో శనివారం అటాహసంగా ప్రారంభమయ్యాయి. ఖమ్మం త్రోబాల్‌ అసోసియేషన్‌ 8వ సబ్‌ జూనియర్‌ త్రోబాల్‌ ఇంటర్ డిస్ట్రిక్ట్‌ ఛాంపియన్‌షిప్‌-2022ని బాలురు మరియు బాలికల కోసం 2022 మే 14 నుండి 15వ తేదీ వరకు నిర్వహిస్తున్నారు. ఎంపికైన క్రీడాకారులు 27వ తేదీలో తెలంగాణ రాష్ట్రానికి ప్రాతినిధ్యం వహిస్తారు. సబ్‌ జూనియర్‌ త్రోబాల్‌ నేషనల్‌ ఛాంపియన్‌షిప్‌ 2022 మే 28 నుండి 30 వరకు హైదరాబాద్‌లోని డివిఎం స్కూల్‌లో జరగనుందని నిర్వహకులు తెలిపారు. ఈ పోటీలను ప్రతిభా విద్యా సంస్థల డైరెక్టర్‌ లక్కినేని .ప్రసాద్‌, తోపుడు బండి వ్వవస్థాపకులు సాదిక్‌ అలి ప్రారంభించారు. తెలంగాణ త్రో బాల్‌ అసోసియేషన్‌ జాయింట్‌ సెక్రటరీ, పివి చక్రపాణి, సర్పంచ్‌, లక్కినేని నీరజ, అంతర్జాతీయ త్రోబాల్‌ ప్లేయర్‌ కిరణ్‌ చారి, ఖమ్మం త్రోబాల్‌ అసోసియేషన్‌ కో ఆర్డినేటర్‌ వీరరాఘవయ్య, ఖమ్మం త్రోబాల్‌ అసోసియేషన్‌ అధ్యక్షులు గౌతమ్‌ రెడ్డి, ఖమ్మం త్రోబాల్‌ అసోసియేషన్‌ అర్గనేషన్‌ కార్యదర్శి రాధాకృష్ణ, బాలురు మరియు బాలికల కోసం 8వ సబ్‌ జూనియర్‌ త్రోబాల్‌ ఇంటర్ డిస్ట్రిక్ట్‌ ఛాంపియన్‌షిప్‌-2022ని ప్రారంభం కాగా మరియు 27వ సబ్‌ జూనియర్‌ త్రోబాల్‌ నేషనల్‌ ఛాంపియన్‌షిప్‌లో పాల్గొనేందుకు తెలంగాణ త్రోబాల్‌ అసోసియేషన్‌ అధికారులు అతిథులను ఆహ్వానించారు.
తొలి రోజు పోటీల వివరాలు
ఈ ఛాంపియన్‌షిప్‌లో తెలంగాణలోని అన్ని ప్రాంతాల నుండి 250 మంది క్రీడాకారులు పాల్గొంటున్నారు.
మ్యాచ్‌ ఫలితాలు: (బాలురు)
హైదరాబాద్ 15-04, 15-03 పాయింట్ల తేడాతో రంగారెడ్డిపై విజయం సాధించింది. ఖమ్మం 13-15, 15-08, 15-07 పాయింట్ల తేడాతో మహబూబ్‌నగర్‌పై విజయం సాధించింది. మేడ్చల్‌ 15-06, 15-02 పాయింట్ల తేడాతో నల్గొండపై విజయం సాధించింది.
నిజామాబాద్ జట్టు ఆదిలాబాద్‌పై 15-09,15-07 పాయింట్ల తేడాతో విజయం సాధించింది.
మ్యాచ్‌ ఫలితాలు: (బాలికలు)
హైదరాబాద్ 15-04, 15-03 పాయింట్ల తేడాతో మహబూబ్‌నగర్‌పై విజయం సాధించింది. ఖమ్మం 15-03, 15-09 పాయింట్ల తేడాతో మహబూబ్‌నగర్‌పై విజయం సాధించింది. హైదరాబాద్, ఖమ్మం, నిజామాబాద్, మేడ్చల్‌ జట్లు సెమీస్‌లోకి ప్రవేశించాయని నిర్వహకులు తెలిపారు.
