- ప్రజల్లో అవగాహన కల్పించేందుకు సైకిల్‌ యాత్ర
- భానోతు వెన్నెల
నవతెలంగాణ-భద్రాచలం
భూసారాన్ని రక్షించు కోవాలని (సేవ్‌ సాయిల్‌) ప్రజలకు అవగాహన కల్పిం చేందుకు, రాష్ట్ర వ్యాప్తంగా ప్రజలకు అవగాహన కల్పించడం కోసం సైకిల్‌ యాత్ర చేస్తూ, మంగళవారం భద్రాచలం వచ్చిన బానోత్‌ వెన్నెలకు భద్రాచలం వాకర్స్‌ క్లబ్‌ సభ్యులు అభినందనలు తెలిపారు. ఈ సందర్భంగా వెన్నెల మాట్లాడుతూ ఇప్పటి వరకు 5వేల కిలోమీటర్లు సేవ్‌ సాయిల్‌ అనే స్లోగన్తో సైకిల్‌ యాత్రను విజయవంతంగా పూర్తి చేసానని తెలిపారు. ప్రతి ఊరిలోని ప్రజలకు భూసారాన్ని రక్షించుకోవాల్సిన అవసరం గురించి వివరించానని ఆమె అన్నారు. ఈ అభినందన కార్యక్రమంలో వాకర్స్‌ క్లబ్‌ సభ్యులు భీమవరపు వెంకటరెడ్డి, పి..ఆదర్శ కుమార్‌, యోగి వెంకట రమణ, దారా మల్లిఖార్జునరావు, గడ్డం రవి, ఎర్రంశెట్టి నర్సింహారావు, శ్రీను, సర్వేశ్వరరావు తదితరులు పాల్గొన్నారు.
