నవతెలంగాణ-టేకులపల్లి
           సీపీఐ(ఎం) సీనియర్‌ నాయకులు పాపయ్య స్ఫూర్తితో ఉద్యమిద్దాం అని పార్టీ సీనియర్‌ నాయకులు గుగులోత్‌ ధర్మ నాయక్‌, జిల్లా కమిటీ సభ్యులు రేపాకుల శ్రీనివాస్‌లు అన్నారు. గురువారం లచ్చగూడెం గ్రామంలో బట్టు పాపయ్య సంతాప సభ మండల కమిటీ ఆధ్వర్యంలో నిర్వహించారు. ఈ సభలో వారు మాట్లాడారు. చదువు రాక పోయినా భూమి సమస్యలు, నిర్వాసితుల సమస్యలపై ప్రజలను చైతన్యం చేస్తూ నిరంతరం పోరాటాలు చేసిన వ్యక్తి అన్నారు. ఈ కార్యక్రమంలో న్యూ డెమోక్రసీ నాయకులు, మాజీ సొసైటీ అధ్యక్షులు నెల్లూరు నాగేశ్వరరావు, వెంకన్న, సీపీఐ(ఎం) సీనియర్‌ నాయకులు వీరన్న, మండల కమిటీ సభ్యులు, సీఐటీయూ యూనియన్‌ స్వామి, రమేష్‌, రామ చంద్రయ్య, సంపత్‌, సావిత్రి, కోటేశ్వరి, తదితరులు పాల్గొన్నారు.