నవతెలంగాణ-ఎర్రుపాలెం
మండల కేంద్రమైన ఎర్రుపాలెం గ్రంథాలయంతో పాటు బనిగండ్లపాడు గ్రామంలో గల లైబ్రరీకి ఆదివారం దాతలు పుస్తకాలను వితరణ చేశారు. ఎర్రుపాలెంలో గ్రంధాలయానికి భీమవరం గ్రామానికి చెందిన స్టేషన్‌ ఘనపూర్‌ డిప్యూటీ తాసిల్దార్‌ మందడపు రామారావు రూ15 వేలు కలిగిన పుస్తకాలను బనిగండ్లపాడు గ్రంధాలయానికి హనుమాండ్ల ఝాన్సీలక్ష్మి (గ్రంథాలయ నిర్మాణ దాత), జంగా గురు నాద రెడ్డి, ముక్కర మధుసూదన్‌ రెడ్డి రూ30,000 విలువ గల పుస్తకాలను ఖమ్మం జిల్లా గ్రంథాలయ సంస్థ చైర్మన్‌ కొత్తూరు ఉమామహేశ్వరరావు, కార్య దర్శి మంజువాణి లకు అందజేశారు. స్టూడెంట్స్‌ అసోసియేషన్‌ సభ్యులు దాతలను శాలువాలతో సన్మానించారు. ఈ కార్యక్రమాలలో గ్రంధాలయాల ఎల్డీసీ భాస్కర్‌, లైబ్రరీ మాస్టర్‌ శ్రీనివాసరావు, సర్పంచులు మొగిలి అప్పారావు, జంగా పుల్లారెడ్డి, దివ్వెల వీరయ్య, కంచర్ల వెంకట నర్సయ్య, వేమిరెడ్డి రామిరెడ్డి, స్టూడెంట్‌ అసోసియేషన్‌ సభ్యులు ఎస్‌కే సలీం, కోన సాయి, వేమిరెడ్డి నాగిరెడ్డి, అనిల్‌, రిటైర్డ్‌ ఆర్టీసీ కండక్ట ర్‌ తమ్మిశెట్టి నరసింహారావు, కోన సత్యనారాయణ గుప్తా తదితరులు పాల్గొన్నారు.
