నవతెలంగాణ-ఖమ్మంరూరల్‌
పెద్దతండా మాజీ సర్పంచ్‌ పాప్య నాయక్‌ ఆ గ్రామానికి చేసిన సేవలు మరవలేనివని తెరాస రాష్ట్ర నాయకులు, ఖమ్మం మాజీ పార్లమెంటు సభ్యులు పొంగులేటి శ్రీనివాసరెడ్డి అన్నారు. ఆదివారం ఖమ్మం రూరల్‌ మండలంలో పర్యటించారు. ఇందులో భాగంగా పెద్దతండాలో జరిగిన పాప్య నాయక్‌ పెద్దకర్మకు హాజరైయ్యారు. ఆయన స్మృతికి చిహ్నంగా విగ్రహాన్ని ఏర్పాటు చేయడం అభినందనీయమన్నారు. అదేవిధంగా నాయుడుపేట సర్కిల్‌ లో, తీర్థాలలో జరిగిన వివాహ వేడుకల్లో పాల్గొన్నారు. వధూవరులను దీవించి పట్టు వస్త్రాలను కానుకగా సమర్పించారు. ఈ పర్యటనలో పొంగులేటి వెంట తెరాస రాష్ట్ర నాయకురాలు మద్దినేని బేబి స్వర్ణకుమారి, డీసీసీబీ మాజీ ఛైర్మన్‌ మువ్వా విజయబాబు, డీసీసీబీ డైరెక్టర్‌ తుళ్లూరి బ్రహ్మయ్య, అజ్మీర అశోక్‌ నాయక్‌, మద్ది కిశోర్‌ రెడ్డి, తిప్పిరెడ్డి రాజశేఖర్‌ రెడ్డి తదితరులు పాల్గొన్నారు.
నూతన దంపతులకు పొంగులేటి ఆశీర్వాదం
ఖమ్మం(తిరుమలాయపాలెం) : తెరాస రాష్ట్ర నాయకులు, ఖమ్మం మాజీ పార్లమెంటు సభ్యులు పొంగులేటి శ్రీనివాసరెడ్డి ఆదివారం తిరుమలాయపాలెం మండలంలో పర్యటించారు. పర్యటనలో భాగంగా తిరుమలాయపాలెం, మహ్మదాపురం, మేడిదపల్లిలో జరిగిన పలు వివాహ వేడుకల్లో పాల్గొన్నారు. నూతన వధూవరులను ఆశీర్వదించారు. పట్టు వస్త్రాలను కానుకగా అందజేశారు. ఈ పర్యటనలో పొంగులేటి వెంట తెరాస రాష్ట్ర నాయకురాలు మద్దినేని బేబి స్వర్ణకుమారి, మండల రైతు సమన్వయ సమితి కన్వీనర్‌ చావా శివరామకష్ణ, సొసైటీ ఛైర్మన్‌ రామసహాయం నరేష్‌ రెడ్డి, డీసీసీబీ మాజీ చైర్మన్‌ మువ్వా విజయబాబు, డీసీసీబీ డైరెక్టర్‌ తుళ్లూరి బ్రహ్మయ్య, ఎంపీటీసీలు అంబేడ్కర్‌, వెంకటేశ్వర్లు, ఉప సర్పంచ్‌ సిరిగద్దెల ఉపేందర్‌, పోట్ల ప్రవీణ్‌, మాజీ ఎంపీపీ అశోక్‌, గ్రామశాఖ అధ్యక్షులు కొప్పుల శ్రీను, మార్కెట్‌ కమిటీ డైరెక్టర్‌ బత్తుల రవికుమార్‌, మండల కో ఆప్షన్‌ మెంబర్‌ సైపుద్దీన్‌ తదితరులు ఉన్నారు.
