నవతెలంగాణ - ఖమ్మం ప్రాంతీయ ప్రతినిధి
ఖమ్మం పుస్తక మహౌత్సవంలో భాగంగా ఏర్పాటు చేసిన 'నవతెలంగాణ' బుక్‌ స్డాల్స్‌ (6, 7, 30)ని సీపీఐ (ఎం) జిల్లా నేతలతో పాటు పలువురు ప్రముఖులు ఆదివారం సందర్శించారు. పార్టీ జిల్లా కార్యదర్శి నున్నా నాగేశ్వరరావు మాట్లాడుతూ నవతెలంగాణ బుక్‌ స్టాల్స్‌లో సర్వవిజ్ఞాన సంబంధిత పుస్తకాలు ఉన్నాయన్నారు. పోటీ పరీక్షలకు ఉపకరించే బుక్స్‌ అందుబాటులో ఉన్నాయని, ప్రజా ఉద్యమాలు, పలువురు ప్రముఖుల ఆత్మకథలు, రచనలు అందుబాటులో ఉన్నాయన్నారు. ఈ పుస్తక ప్రదర్శనను సద్వినియోగం చేసుకోవాలన్నారు. ప్రత్యేక డిస్కౌంట్‌ ఈ బుక్‌ స్టాల్‌లో లభిస్తుందన్నారు. స్టాల్స్‌ను సందర్శించిన వారిలో సీపీఐ (ఎం) జిల్లా కార్యదర్శి వర్గ సభ్యులు వై.విక్రమ్‌, జిల్లా కమిటీ సభ్యులు దొంగల తిరుపతిరావు, సీఐటీయూ జిల్లా అధ్యక్షులు తుమ్మా విష్ణు, డాక్టర్‌ పిల్లలమర్రి సుబ్బారావు, స్పర్శ భాస్కర్‌ తదితరులు సందర్శించారు.
