నవతెలంగాణ-ఖమ్మం
            ఎక్సైజ్‌ శాఖ ఆధ్వర్యంలో మంగళవారం 1.2 కేజీల గంజాయి స్వాధీనం చేసుకున్నారు. ఎక్సైజ్‌ సిఐ రాజు తెలిపిన వివరాల ఇలా ఉన్నాయి. ఖమ్మం అర్బన్‌ మండలం గోపాలపురం కెనాల్‌ సమీపంలో ఎక్సైజ్‌ సిఐ రాజు ఆధ్వర్యంలో తనిఖీలు నిర్వహించగా గోపాలపురానికి చెందిన రుడావత్‌ రాకేష్‌, దేవడోలు రాము అలియాస్‌ కార్తీక్‌ వద్ద 1.2 కేజీల ఎండు గంజాయి స్వాధీనం చేసుకొని, ముద్దాయిలను రిమాండ్‌కు తరలించినట్లు ఖమ్మం -1 ఎక్సైజ్‌ సిఐ కె.రాజు తెలిపారు. వీరు గత కొన్ని రోజులుగా విజయవాడ నుండి గంజాయి తెప్పించుకొని గోపాలపురం పరిసర ప్రాంతాల్లో అమ్ముతున్నట్లు తెలిపారు. ఈ తనిఖీల్లో ఎక్సైజ్‌ అధికారులు వి.రవి, షేక్‌ రబ్బానీ, సిబ్బంది శశికాంత్‌, నరేష్‌, శ్రీనివాస్‌ రెడ్డి, మారేశ్వరరావు, రవి, రమేష్‌ తదితరులు పాల్గొన్నారు.