- ఎమ్మెల్యే మెచ్చా
నవతెలంగాణ-దమ్మపేట
అశ్వారావుపేట నియోజకవర్గ సమగ్ర అభివృద్ధే తన ధ్యేయమని నియోజకవర్గాన్ని సర్వాంగ సుందరంగా తీర్చిదిద్దడమే తన సంకల్పమని ఎమ్మెల్యే మెచ్చా నాగేశ్వరరావు పేర్కొన్నారు. గురువారం ఎమ్మెల్యే జన్మదినోత్సవం సందర్భంగా పలువురు ప్రముఖులు, టీఆర్‌యస్‌ పార్టీ కార్యకర్తలు, నాయకులు, మండలంలోని తాటిసుబ్బన్నగూడెం ఆయన గృహంలో కలసి శుభాకాంక్షలు తెలియజేసి పుష్పగుచ్చాలు అందజేశారు. ఈ సందర్భంగా దమ్మపేట ఎస్‌ఐ శ్రావణ్‌కుమార్‌ ఎమ్మెల్యే మెచ్చాతో కేకును కట్‌ చేయించి, శుభాకాంక్షలు తెలిపారు. అనంతరం మండల కేంద్రంలో వినాయక ఫంక్షన్‌ హాల్‌లో పార్టీ కార్యకర్తలు, నాయకులు, పెద్దఎత్తున ఎమ్మెల్యే పుట్టినరోజువేడుకలను ఏర్పాటు చేశారు. మొద్దులగూడెం, పట్వారిగూడెం గ్రామా లలో వేడుకలను ఘనంగా నిర్వహించారు. ఈ కార్యక్రమంలో జడ్పీటీసీ వెంకటేశ్వరరావు, వైస్‌ ఎంపీపీ దారా మల్లిఖార్జునరావు, పార్టీ అధ్యక్షులు దొడ్డాకుల రాజేశ్వరరావు, ఏఎంసీ వైస్‌ చైర్మన్‌ కొయ్యల అచ్చుతరావు, టీఆర్‌యస్‌ యూత్‌ మండలాధ్యక్షులు చామర్తి గోపి శాస్త్రి, దొడ్డ రమేష్‌, రామకృష్ణ, ప్రభాకర్‌, నాగేశ్వరరావు, తదితరులు పాల్గొన్నారు.
