నవతెలంగాణ-టేకులపల్లి
మండలంలోని భద్రాచలం ఐటీడీఏ ఆధ్వర్యంలో నిర్వహిస్తున్న పాఠశాలల విద్యార్థులకు ఆట వస్తువులు శుక్రవారం రావులపాడు పాఠశాలలో పంపిణీ చేశారు. ఈ సందర్భంగా పాఠశాల హెచ్‌.ఎం.భూక్య కిషోర్‌ సింగ్‌ మాట్లాడారు. ఐటీడీఏ పరిధిలో నడుస్తున్న ప్రభుత్వ ప్రాధమిక పాఠశాలలకు ఆట వస్తువులు, చెస్‌ బోర్డ్‌, స్కిప్పింగ్‌ రోస్‌, రింగ్స్‌, ఒక పెద్ద అద్దం, పాటశాలకు 4 కుర్చీలు, వాటర్‌ బాటల్‌ అందించారు. ఈ ఆటవస్తువులను ఈ పాఠశాల విద్యా కమిటీ చైర్మన్‌ కోరం సతీష్‌ చేతుల మీదుగా విద్యార్థులకు పంపిణీ చేసినట్టు తెలిపారు. విద్యార్థులకు కల్పించిన డిప్యూటీ డైరెక్టర్‌ గిరిజన సంక్షేమశాఖ భద్రాచలం వారికి ధన్యవాదాలు తెలిపారు. ఈ కార్యక్రమంలో పూర్ణచందు, పాఠశాల మాజీ చైర్మన్‌ కంగల రామయ్య, అంగన్‌ వాడీ టీచర్‌ చంద్రకళ, భారతమ్మ తదితరులు పాల్గొన్నారు.
మీ స్నేహితులకు రికమెండ్ చెయ్యండి
